“Toshkent tajribasi”: ta’lim sifati va o‘quvchilar bilimini oshirish masalalari muhokama qilindi

Chilonzor tumanidagi 90-sonli umumta’lim maktabida Toshkent shahar hokimi o‘rinbosari Durdona Rahimova boshchiligida “Toshkent tajribasi” loyihasi doirasida yig‘ilish tashkil etildi. Unda maktab direktorlari, fan o‘qituvchilari hamda mas’ul tashkilotlar rahbarlari ishtirok etdi.

📈Yig‘ilishda pedagoglar malakasini oshirish, zamonaviy o‘qitish metodikalari va qo‘shimcha maxsus darsliklardan foydalanish, shuningdek, o‘quvchilarning oraliq imtihon natijalarini My.tashkent.uz platformasi orqali baholash masalalari muhokama qilindi. Ta’lim samaradorligini oshirish, o‘quvchilar bilimini muntazam tahlil qilish va ta’lim jarayonini aniqlangan ehtiyojlar asosida takomillashtirish yuzasidan fikr almashildi.

🏢Poytaxtning 12 ta tumanidagi 24 ta umumta’lim maktabida “Toshkent tajribasi” loyihasi amalga oshirilmoqda. 2025–2026-o‘quv yilida tashkil etilgan maktablarda 60 ta sinfga 1 800 nafar o‘quvchi jalb etilib, 144 nafar pedagog va mutaxassis faoliyat yuritgan. 2026–2027-o‘quv yilida esa yana 12 ta maktab loyihaga qo‘shilib, 131 nafar pedagog va mutaxassis jalb etildi.

Ayni paytda loyiha doirasida jami 107 ta sinfga 2 326 nafar o‘quvchi jalb qilingan.
Ular quyidagi yo‘nalishlarda ta’lim olmoqda:
🔍 Tibbiyot;
🔍 AT va dasturlash;
🔍 Biznes va menejment;
🔍 Sotsiologiya (gumanitar);
🔍 Muhandislik texnologiyasi.

📚2026–2027-o‘quv yilidan boshlab 7–9-sinflarda aniq va tabiiy fanlarni chuqurlashtirib o‘qitishga ixtisoslashgan sinflar ham tashkil etildi. Bu o‘quvchilarning fanlarga bo‘lgan qiziqishini rivojlantirish va bilimlarini yanada chuqurlashtirishga xizmat qiladi.