Fuqarolar qabuli o‘tkazildi

😈 2026-yil 9-oktabr kuni soat 10:00 da Toshkent shahar Xalq qabulxonasi binosida Toshkent shahar hokimining uy-joy kommunal xo‘jaligi masalalari bo‘yicha o‘rinbosari Obidjon Odilovich Muminov fuqarolarni qabul qildi.

🏘Qabul davomida uy-joy va kommunal xo‘jaligi, obodonlashtirish, ko‘p qavatli uylarni saqlash va ularga xizmat ko‘rsatish, kommunal xizmatlar sifati hamda boshqa ijtimoiy-maishiy masalalarga oid murojaatlar tinglandi.

✔️Jami 7 nafar fuqaroning murojaati ko‘rib chiqildi. Shundan 5 nafar fuqaroning masalalarini hal etish yuzasidan mas’ul tashkilotlar va xodimlarga topshiriq hamda ko‘rsatmalar berildi. Ularning ijrosini ta’minlash, masalalarni belgilangan muddatlarda hal etish va fuqarolarga natijalar haqida ma’lumot berish vazifasi yuklatildi.

▫️Qolgan 2 nafar fuqaroga amaldagi tartib va qonunchilik talablari asosida tushuntirish berildi.

🟢Qabulda murojaatlarda ko‘tarilgan masalalarni o‘z vaqtida va sifatli hal etish, fuqarolarning qonuniy huquq va manfaatlarini ta’minlash hamda topshiriqlar ijrosini nazorat qilishga alohida e’tibor qaratildi.