Яушев ака-укалари, татар княз оиласидан бўлган савдогарлар, 1911-йилда меъмор И. А. Маркевич лойиҳаси бўйича савдо уйи қурдирдилар. Икки қаватли бино Иржар кўчасида (кейинроқ Киров, сўнгра Ататюрк, ҳозир Зарафшон) жойлашган эди. Шу уйда Яушевларнинг шериклари — Поляков ака-укаларининг Азов-Дон тижорат банки ҳам жойлашган эди.
Савдо уйи, яъни Яушевлар
пассажи — ҳозиргача сақланиб қолган кам сонли бинолардан бири. У «Зарафшон»
ресторани рўпарасида жойлашган бўлиб, бош кириш эшиги устидаги учбурчак қўшимча
билан танилади.
Совет йилларида бинода
диетик ошхона жойлашган, мустақилликдан кейин «Алпжамол банк». Ҳозирда
хоналарни бутиклар, кафе ва ўқув маркази ижарага олган.
Яушев ака-укаларининг яна
бир биноси — омборлари сақланиб қолган. У Ислом Каримов проспектида, Сенатнинг
ўнг томонида, Алишер Навоий номидаги Катта театр рўпарасида жойлашган. Совет
йилларида бу ерда 1-сонли поликлиника жойлашган эди. Бино яхши сақланган ва
2006-йилда реставрация қилинган. Ҳозирда унда Ўзбекистон Ташқи ишлар
вазирлигининг консуллик бошқармаси жойлашган.
Тошкентнинг энг чиройли ва таниш биноларидан бири — Навоий номидаги театр. У 1934-йилда очиқ танлов...
Бешағоч майдонидаги Муқимий номидаги ўзбек давлат мусиқали театрининг чиройли биноси ҳаммага таниш....
Ҳар бир тошкентликка бу қисқартма таниш — ТошМИ. У энди фақат ўқув муассасаси номи эмас, балки бут...
Тошкентдаги “Чорсу” бозори — Марказий Осиёнинг энг қадимий ва машҳур бозорларидан бири бўлиб, у шаҳа...