Тошкент шаҳрида Ижтимоий шериклик комиссиясининг навбатдаги йиғилиши бўлиб ўтди

14-октябр куни Халқ депутатлари Тошкент шаҳар Кенгаши ҳузуридаги Ижтимоий шериклик комиссиясининг навбатдаги йиғилиши ўтказилди.

▫️Йиғилишда ногиронлиги бўлган шахслар манфаатларини ҳимоя қилувчи жамоат ташкилотларига ажратилган давлат субсидияларидан мақсадли фойдаланиш ҳолати, шунингдек, 2026-йилнинг ўтган тўққиз ойи давомида амалга оширилган ишлар муҳокама қилинди.

💬Шу билан бирга, комиссия фаолияти давомида аниқланган камчиликлар, уларни бартараф этиш бўйича кўрилаётган чоралар юзасидан фикр алмашилди.

✔️Шунингдек, жорий йилнинг 18–21-ноябр кунлари Тошкент шаҳрида ўтказилиши режалаштирилган «Фуқаролик жамияти ҳафталиги» доирасидаги тадбирларга тайёргарлик масалалари кўриб чиқилди.