Пайшанба — «Ёшлар куни» муносабати билан Сергели туманидаги Тошкент тиббиёт техникумида «Раҳбар ва ёшлар» учрашуви ташкил этилди.

Учрашувда Тошкент шаҳар ҳокими ўринбосари Шаҳноза Султанова, Сергели тумани ҳокими ўринбосари Нафиса Жўраева ва техникум директори Саодат Зулфикорова талабалар билан мулоқот қилди.

🏆 Самимий ва очиқ тарзда ўтган суҳбат давомида ёшларнинг таълим олиш шароитлари, тиббиёт соҳасидаги истиқболли режалари ҳамда уларни қийнаётган масалалар муҳокама қилинди.

🔺 Шаҳноза Султанова талабаларнинг таклиф ва ташаббусларини тинглаб, келажакда малакали кадр бўлиб етишишлари учун давлатимиз томонидан яратилаётган имкониятлар ҳақида тўхталиб ўтди.

🧠 Бу каби учрашувлар ёш мутахассисларнинг жамиятдаги ўрнини мустаҳкамлаш ва уларнинг муаммоларига ечим топишда муҳим майдон бўлиб хизмат қилади.