Тошкент шаҳар ҳокими Oppenheimer & Co. вакили билан учрашди

Тошкент шаҳар ҳокимлигида шаҳар ҳокими Шавкат Умурзоқов ва Oppenheimer & Co. компаниясининг инвестиция банки фаолияти бўйича Европа, Яқин Шарқ ва Африка минтақаси бош ижрочи директори Макс Лами ўртасида учрашув бўлиб ўтди.

📈Мулоқот давомида Тошкентнинг халқаро капитал бозорларига чиқиш имкониятлари, жумладан, муниципал облигациялар чиқариш истиқболлари, йирик инфратузилма ва шаҳарсозлик лойиҳаларига инвестициялар жалб қилиш масалалари муҳокама қилинди.

▫️Шунингдек, давлат-хусусий шериклик механизмларини ривожлантириш, халқаро молиялаштириш воситаларидан самарали фойдаланиш, шаҳар молиясини бошқаришда илғор хорижий тажрибани ўрганиш ҳамда маҳаллий мутахассислар салоҳиятини оширишга алоҳида эътибор қаратилди.

✔️Учрашув якунида томонлар ўзаро ҳамкорлик тўғрисидаги келишувни имзоладилар. Ушбу келишув халқаро молия институтлари ва инвесторлар билан алоқаларни кенгайтириш, Тошкентнинг инвестициявий салоҳиятини мустаҳкамлаш ҳамда истиқболли шаҳар лойиҳаларини молиялаштириш учун янги имкониятлар яратишга хизмат қилиши кутилмоқда.