Жамоатчилик кенгаши июнь ойида ўз ишини вақтинча тўхтатган эди. 8 ноябрь куни Диёр Мирзааҳмедов раислигида кенгаш яна йиғилди. Биринчи йиғилиш ташкилий-ахборот тарзида ўтказилди. Янгиланган кенгашнинг иши шаҳар учун фойдали бўлган аниқ лойиҳаларни ишлаб чиқиш ҳамда ҳокимият фаолиятининг турли йўналишларида экспертлик кўмагини беришга йўналтирилади. Биринчи йиғилишда техник жараён масалалари муҳокама қилинди – комиссиялар таркиби, жамоат кенгашига аъзо бўлиш/аъзоликдан чиқиш регламенти ва бошқа жорий масалалар кўриб чиқилди. Тез кунда Диёр Мирзааҳмедов билан жамоатчилик кенгашининг келажакдаги режалари ҳақидаги интервьюни эътиборингизга ҳавола қиламиз.