Тошкентликларга яхши таниш, Бродвейдаги (Сайилгоҳ кўчаси) бинода ҳозир Адлия вазирлиги жойлашган бўлиб, у 1927-йилда меъмор Г. Бауэр лойиҳаси бўйича конструктивизм услубида қурилган.

Турли йилларда бинода турли ташкилотлар жойлашган: дастлаб Ўрта Осиё коммунистик университети (САКУ) талабалари ётоқхонаси бўлган, кейинроқ Сталин номидаги Олий коммунистик қишлоқ хўжалиги мактаби ишлаган. Иккинчи жаҳон уруши йилларида бу ерда госпиталь жойлашган, кейин партия мактаби. 1960–1970-йилларда колхозлар архиви ишлаган.

Афсуски, биногнинг кўриниши соябонлар, ойналаш ва конструктивизм даври меъморий ёдгорлиги учун мос бўлмаган бошқа қурилмалар билан бузилган.